Damlelya babachi kahani Lyrics - Ayushyawar Bolu Kahi(Sandeep Khare and Salil Kulkarni).

komejun nijaleli ek pariraani
utaralele tond, dolaa sukalele paani
rojachech ahe saare kaahi aj naahi
maafi kashi maagu pori malaa tond naahi
jhopetach gheto tulaa aj mi kushit
nijetach tari pan yeshil khushit
saangaayaachi ahe maajhyaa saanulyaa fulaa
damalelyaa baabaachi hi kahaani tulaa !

atapaat nagaraat gardi hoti bhaari
ghaamaaghum raajaa kari lokalachi waari
roj sakaalis raajaa nighataanaa bole
gosht saangaayache kaal raahuniyaa gele
jamalech naahi kaal yene malaa jari
aj pari yenaar mi weletach ghari
swapnaatalyaa gaawaamadhye maaru mag feri
khaऱyaakhuऱyaa pari saathhi goshtitali pari
baandhin mi thakalelyaa haataanchaa jhulaa
damalelyaa baabaachi hi kahaani tulaa !

ऑafisaat ushiraa mi asato basun
bhndaawale doke gele kaamaat budun
taasa-ataas jaato khaal maanene nighun
eka-ek diwaa jaato haluch wijhun
ashaa weli kaay saangu kaay kaay waate
athhawaansobat paani dolyaantun daate
waatate ki uthhuniyaa tujhyaa paas yaawe
tujhyaasaathhi mihi punhaa lahaanage whaawe
ugaachach rusaawe ni bhaandaawe tujhyaashi
chimukale khel kaahi maandaawe tujhyaashi

udhalat, khidalat, bolashil kaahi
baghataanaa bhaan malaa uranaar naahi
haasuniyaa ugaachach oradel kaahi
durunach apalyaalaa baghanaari ai
tari suddhaa doghe jan dngaa maandu asaa
kshanaa kshanaawar thhewu khodakar thhasaa
saangaayachi ahe maajhyaa saanulyaa fulaa
damalelyaa baabaachi hi kahaani tulaa !

damalyaa paayaane jewhaa yeil jaanbhi
mu mu dudha-abhaat bharawel ai
gosht aikaayalaa mag yeshil naa ashi
saawarichyaa ushihun mu maajhi kushi

kushi maajhi saangat ahe aik baalaa kaahi
sadodit jari kaa mi tujhyaa paas naahi
jewu-akhaau nhaau-amaakhu ghaalato naa tulaa
ai pari wenifani karato naa tulaa
tujhyaasaathhi aipari baabaa suddhaa khulaa
to hi kadhi gupachup radato re baalaa
saangaayachi ahe maajhyaa saanulyaa fulaa
damalelyaa baabaachi yaa kahaani tulaa !

bolakyaamadhye lukalukalelaa tujhaa pahilaa daat
ani pahilyaandaach ghetalaas jewhaa tondi mu bhaat
ai mhananyaaadhi suddhaa mhanali hotis baabaa
raangat raangat ghetalaas jewhaa gharaachaa tu taabaa
lutulutu ubhn raahat taakalns paaul pahiln
durachn pahaat raahilo fakt, jawal pahaayachnch raahiln

asaa gelo ahe baalaa puraa adakun
halli tulaa jhopetach paahato durun
asaa kasaa baabaa dew lekaraalaa deto
lawakar jaato ani ushiraann yeto
baalapan gele tujhe guj nisatun
ure kaay tujhyaa-amaajhyaa onjali madhun
jari yete othhi tujhyaa maajhyaasaathhi hase
najaret tujhyaa kaahi anolakhi dise
tujhyaa jagaatun baabaa harawel kaa g ? 
mothhepani baabaa tulaa athhawel kaa g ?
saasuraalaa jaataa-ajaataa unbarathhyaamadhye
baabaasaathhi yeil kaa paani dolyaanmadhye ?

कोमेजून निजलेली एक परीराणी
उतरलेले तोंड, डोळा सुकलेले पाणी
रोजचेच आहे सारे काही आज नाही
माफी कशी मागू पोरी मला तोंड नाही
झोपेतच घेतो तुला आज मी कुशीत
निजेतच तरी पण येशील खुशीत
सांगायाची आहे माझ्या सानुल्या फुला
दमलेल्या बाबाची ही कहाणी तुला !

आटपाट नगरात गर्दी होती भारी
घामाघूम राजा करी लोकलची वारी
रोज सकाळीस राजा निघताना बोले
गोष्ट सांगायचे काल राहुनिया गेले
जमलेच नाही काल येणे मला जरी
आज परी येणार मी वेळेतच घरी
स्वप्नातल्या गावामध्ये मारू मग फेरी
खऱ्याखुऱ्या परी साठी गोष्टीतली परी
बांधीन मी थकलेल्या हातांचा झुला
दमलेल्या बाबाची ही कहाणी तुला !

ऑफिसात उशिरा मी असतो बसून
भंडावले डोके गेले कामात बुडून
तास-तास जातो खाल मानेने निघून
एक-एक दिवा जातो हळूच विझून
अशा वेळी काय सांगू काय काय वाटे
आठवांसोबत पाणी डोळ्यांतून दाटे
वाटते की उठुनिया तुझ्या पास यावे
तुझ्यासाठी मीही पुन्हा लहानगे व्हावे
उगाचच रुसावे नी भांडावे तुझ्याशी
चिमुकले खेळ काही मांडावे तुझ्याशी

उधळत, खिदळत, बोलशील काही
बघताना भान मला उरणार नाही
हासुनिया उगाचच ओरडेल काही
दुरूनच आपल्याला बघणारी आई
तरी सुद्धा दोघे जण दंगा मांडू असा
क्षणा क्षणावर ठेवू खोडकर ठसा
सांगायची आहे माझ्या सानुल्या फुला
दमलेल्या बाबाची ही कहाणी तुला !

दमल्या पायाने जेव्हा येईल जांभई
मऊ मऊ दूध-भात भरवेल आई
गोष्ट ऐकायला मग येशील ना अशी
सावरीच्या उशीहून मऊ माझी कुशी

कुशी माझी सांगत आहे ऐक बाळा काही
सदोदित जरी का मी तुझ्या पास नाही
जेवू-खाऊ न्हाऊ-माखू घालतो ना तुला
आई परी वेणीफणी करतो ना तुला
तुझ्यासाठी आईपरी बाबा सुद्धा खुळा
तो ही कधी गुपचूप रडतो रे बाळा
सांगायची आहे माझ्या सानुल्या फुला
दमलेल्या बाबाची या कहाणी तुला !

बोळक्यामध्ये लुकलुकलेला तुझा पहिला दात
आणि पहिल्यांदाच घेतलास जेव्हा तोंडी मऊ भात
आई म्हणण्याआधी सुद्धा म्हणली होतीस बाबा
रांगत रांगत घेतलास जेव्हा घराचा तू ताबा
लुटूलुटू उभं राहत टाकलंस पाऊल पहिलं
दूरचं पहात राहिलो फक्त, जवळ पहायचंच राहिलं

असा गेलो आहे बाळा पुरा अडकून
हल्ली तुला झोपेतच पाहतो दुरून
असा कसा बाबा देव लेकराला देतो
लवकर जातो आणि उशिरानं येतो
बालपण गेले तुझे गुज निसटून
उरे काय तुझ्या-माझ्या ओंजळी मधून
जरी येते ओठी तुझ्या माझ्यासाठी हसे
नजरेत तुझ्या काही अनोळखी दिसे
तुझ्या जगातून बाबा हरवेल का ग ? 
मोठेपणी बाबा तुला आठवेल का ग ?
सासुराला जाता-जाता उंबरठ्यामध्ये
बाबासाठी येईल का पाणी डोळ्यांमध्ये ?