Kaay Samana Karu Tujyashi Lyrics - Vaijayanta(Asha Bhosle and Shahir Amar Shekh).

Aag, kay saamana karu tujhyashi, naari jaat tu dubali ga 
hukum palita purushjaaticha, sare jindagi sagali ga 
baalpani tuj dhaak pityacha, tarunpanni tuj hava pati
vrudhapana tav putra haati, swatantra buddhi tula kiti?

are nako vadhvan saangu shahira, purush jaatichi fuka fuki
stree jatichya akale pudhati, tujhi badhayi padel kiti
saavitrichya chatur panaane yamarajala dila dhada
asel thavi katha jari ti, bol maj pudhe ghad ghada

aag tuch saang ga konasaathi, saavitri te divya kari
saavitrichi katha saangate, purush kirtichi maatabbari
pativaachun kase jagaave, haach jiyela prrashn pade 
yithech tharala purush sresht ga, chatur saarike bol pudhe

purushevachun janme naari, ya pruthavicha kon pati ?
pityavachun janma aali, kay thambali tichi gati?
aag adnyaanane nakos bolu, aabhallachi suta dhara 
gati kashyachi surya bhovati, fire naar ti gara gara

purushyasaathi naar janmate, purushyasaathi janm tich
vrukshya vachun janm pangala, fularnarya velicha
are sang shahira narivachun purush hi zhala kadhi pura
puran shastre dhundun pahi, vrudh gagan ki vasundhara 

taryamaajishukra nandato, varyapaathi ubhi hava 
pruthavi bhovati chandra firatase, vesh ghevuni nava nava
hava kashala kalah sang ha, aapasaatala khulya pari 
haar jitichi haus khoti, tujhi ni maazhi barobari

अग, काय सामना करू तुझ्याशी, नारीजात तू दुबळी ग
हुकूम पाळिता पुरुषजातिचा सरे जिंदगी सगळी ग
बाळपणी तुज धाक पित्याचा, तरुणपणी तुला हवा पती
वृद्धपणा तव पुत्राहाती, स्वतंत्र बुद्धी तुला किती ?

अरे नको वाढवण सांगू शाहिरा पुरूषजातीचे फुकाफुकी
स्‍त्रीजातीच्या अकलेपुढती तुझी बढाई पडंल फिकी
सावित्रीच्या चतुरपणाने यमधर्माला दिला धडा
असेल ठावी कथा जरी ती, बोल मज पुढे घडाघडा !

अग तूच सांग ग, कोणासाठी सावित्री ते दिव्य करी
सावित्रीची कथा सांगते पुरूषप्रीतिची मातबरी !
पतीवाचुनी कसे जगावे हाच तियेला प्रश्न पडे
इथेच ठरला पुरूष श्रेष्ठ की, चतूर सारीके, बोल पुढे !

पुरुषावाचून जन्मे नारी, या पृथ्वीचा कोण पती ?
पित्यावाचुनी जन्मा आली, काय थांबली तिची गती ?

अग अज्ञानाने नकोस बोलू आभाळाची सुता धरा
गती कशाची, सूर्याभोवती फिरे नार ती गरागरा !
पुरुषासाठी नार जन्मते, पुरुषासाठी जन्म तिचा
वृक्षावाचुनी जन्म पांगळा फुलारणार्‍या वेलीचा !

अरे सांग शाहीरा, नारीवाचुन पुरूषहि झाला कधी पुरा ?
पुराणशास्‍त्रें धुंडून पाही, धुंड गगन की वसुंधरा
तार्‍यामाजी शुक्र नांदतो, वार्‍यापाठी उभी हवा
पृथ्वीभंवती चंद्र फिरतसे वेष घेऊनी नवा नवा

चकला ना गे, चतुरपणा तव, माझ्या मार्गी तूच पुढे
नारिनराच्या प्रेमावाचुन जगावरी काय घडे ?
हवा कशाला कलह सांग हा, आपसांतला खुळ्यापरी
हारजितीची हौसच खोटी, तुझी नि माझी बरोबरी