Swaye Shri Ramprabhu Lyrics - Geet Ramayan(Sudhir Phadke).

shri raam, shri raam, shri raam

swaye shriraamaprabhu aikati
kush law raamaayan gaati

kumaar doghe ek wayaache
sajiw putale raghuraayaache
putr saangati charit pityaache 
jyotine tejaachi arati

raajas mudraa, wesh muninche
gndharwach te tapowaniche
waalmikinchyaa bhaaw maniche
maanawi rupe akaarati

te pratibhechyaa amrawanaatil
wasnt waibhaw gaate kokil 
baalaswaraanni karuni kilabil
gaayanen rriaturaajaa bhaariti

fulaapari te othh umalati
sugndhase swar bhuwani jhulati
karnabhushanen kundal dulati
sngati winaa jhnkaariti

saat swaraanchyaa swargaamadhuni 
nu rasaanchyaa, nu swaradhuni
yajnjamndapin alyaa utaruni
sngami shrotejan naahati

purushaarthaachi chaari chaukat
tyaat paahataa nijajiwanapat
pratyakshaahun pratimaa utkat
prabhuche lochan paanaawati

saamawedase baal bolati
sargaamaagun sarg chaalati
sachiw, munijan, striyaa dolati
asawe gaali oghalati

soduni asan uthhale raaghaw
uthhun kawaliti apule shaishaw
putrabhetichaa ghade mahotsaw
pari to ubhayaa nach maahiti

श्री राम, श्री राम, श्री राम

स्वये श्रीरामप्रभु ऐकती
कुश लव रामायण गाती

कुमार दोघे एक वयाचे
सजीव पुतळे रघुरायाचे
पुत्र सांगती चरित पित्याचे 
ज्योतीने तेजाची आरती

राजस मुद्रा, वेष मुनींचे
गंधर्वच ते तपोवनीचे
वाल्मीकींच्या भाव मनीचे
मानवी रुपे आकारती

ते प्रतिभेच्या आम्रवनातील
वसंत वैभव गाते कोकील 
बालस्वरांनी करुनी किलबिल
गायनें ऋतुराजा भारिती

फुलापरी ते ओठ उमलती
सुगंधसे स्वर भुवनी झुलती
कर्णभूषणें कुंडल डुलती
संगती वीणा झंकारिती

सात स्वरांच्या स्वर्गामधुनी 
नऊ रसांच्या, नऊ स्वरधुनी
यज्ञमंडपीं आल्या उतरुनी
संगमी श्रोतेजन नाहती

पुरुषार्थाची चारी चौकट
त्यात पाहता निजजीवनपट
प्रत्यक्षाहून प्रतिमा उत्कट
प्रभुचे लोचन पाणावती

सामवेदसे बाळ बोलती
सर्गामागुन सर्ग चालती
सचिव, मुनिजन, स्त्रिया डोलती
आसवे गाली ओघळती

सोडुनि आसन उठले राघव
उठुन कवळिती अपुले शैशव
पुत्रभेटीचा घडे महोत्सव
परि तो उभया नच माहिती