Uga Ka Kalij Maze Ule Lyrics - Geet Ramayan(Sudheer Phadke).

Ugaa kaa kaalij maajhe ule
paahuni weliwarachi fule

kadhi nawhe te malale antar
kadhi n shiwalaa sawatimatsar
aj kaa latikaawaibhaw sale

kaay manaa he bhalate dhaadas
tulaa naawade  harini paadas
paapani writhaa bhije kaa jale

gowatsaantil paahun bhaawaan
kaay waatato tujasi hewaa
chide kaa maun tari atale

kuni pakshini pilaa bharawite
drishy tulaa te wyaakul karate
kaay he wiparit re jaahale

swath swathshi kashaas chori
waatsalyaawin apurn naari
kalaale saarthak janmaatale

murt janmate paashaanaantun
kausalyaa kaa hin shilehun
wichaare mastak yaa wyaapile

gagan amhaanhuni wriddh naahi kaa
tyaant janmati kiti taarakaa
akaaran jiwan he waatale

उगा का काळीज माझे उले
पाहुनी वेलीवरची फुले

कधी नव्हे ते मळले अंतर
कधी न शिवला सवतीमत्सर
आज का लतिकावैभव सले

काय मना हे भलते धाडस
तुला नावडे  हरिणी पाडस
पापणी वृथा भिजे का जले

गोवत्सांतिल पाहुन भावां
काय वाटतो तुजसी हेवा
चिडे का मौन तरी आतले

कुणी पक्षिणी पिला भरविते
दृश्य तुला ते व्याकुळ करते
काय हे विपरीत रे जाहले

स्वतः स्वतःशी कशास चोरी
वात्सल्याविण अपूर्ण नारी
कळाले सार्थक जन्मातले

मूर्त जन्मते पाषाणांतुन
कौसल्या का हीन शिळेहुन
विचारे मस्तक या व्यापिले

गगन अम्हांहूनी वृद्ध नाही का
त्यांत जन्मती किती तारका
अकारण जीवन हे वाटले