Aaj Ki Taaza Khabar Lyrics - Patthar (1985)(Jaspal Singh).

O o o o....
Jinda akhbaar hoon main, julm ka shikaar hoon main
Ek bebas sataayi abala ki pukaar hoon main
Dhundata hai
Dhundata hai ik bhaai behan ko dagar dagar
Aaj ki taaza khabar, aaj ki taaza khabar

Koyi paapi kuchal gaya ik raakhi ko
Liye suni kalaayi ik bhaai rota hai
Sochane jaisi baat hai ke aaj duniya mein
Din dahaade jo bebaso pe sitam hota hai
Inn hawaao mein
Inn hawaao mein kisane ghol diya hai yeh jehar
Aaj ki taaza khabar, aaj ki taaza khabar

Phir se aurat khilauna ban gaya hai duniya mein
Koyi bhi usaki aabaru se khel jaata hai
Bhul jaata hai aadami usaka aurat se
Maan behan beti ke jaisa pavitra naata hai
Tute sapano se
Tute sapano se yeh rishte kahin jaaye na bikhar
Aaj ki taaza khabar, aaj ki taaza khabar

Bheed mein koyi kho gaya hai dhundata koyi
Shor itana hai ki aawaaz dub jaati hai
Koyi bhaai jo waada apana yaad karata hai
Behen ki doli nigaahon mein ubhar aati hai
Mere maalik
Mere maalik gareeb ki duwaao ko de asar
Aaj ki taaza khabar, aaj ki taaza khabar