Aapke Bhige Huye Jism Se Aanch Aatee Hai Lyrics - Kajal(Mahendra Kapoor).

Aapke bhige huye jism se aanch aatee hai
Dil ko garmatee hai, jajbat ko bhadkatee hai

Aapke pas jo aayega, pighal jayega
Iss hararat se jo uljhega, woh jal jayega

Aapka husn woh shabnam hai jo sholo me pale
Garm khushbuo me tapte huye rango me dhale
Kiska dil hai jo sambhale se sambhal jayega

Honth hain ya kisee shayar kee duwao kaa javab
Julf hain ya kisee savan ke talabgar kaa khwab
Aise jalavo ko jo dekhega machal jayega

Iss kadar husn jamane me naa dekha naa suna
Usaka kya kahna jise aapne hamraj chuna
Usakee takdir kaa inam badal jayega