Bas Yahee Soch Ke Khaamosh Mai Reh Jaata Hu Lyrics - Unns...Means Love(Abhijeet).

Bas yahee soch ke khaamosh mai reh jaata hu
Ke kisee roj toh iss baare me tum sochogee
Mai tumhe dekh ke kyon aise machal jaata hu
Jagmaga uthatee hai kyon meree nigaahe ekdam
Mai hamesha isee janib kyon chala aata hu
Kuchh toh kehna hai mujhe, baat koyee toh hogee
Mujhase tum khud hee ishaaro se kabhee puchhogee
Bas yahee soch ke khaamosh mai reh jaata hu

Bas yahee sochake khaamosh mai reh jaata hu
Ke agar hausala karke mai tumhe keh bhee du
Toh kahee tut naa jaaye yeh bharam karta hu
Jisane maasum banaaya hai tumhaare dil ko
Jisake saaye me tumhe apana kaha karata hu
Yeh bharam gam ke dhuye me naa kahee kho jaaye
Dil ke jasbee kee naa tauhin kahee ho jaaye
Bas yahee sochake khaamosh mai reh jaata hu

Yu agar sun bhee liya tumne meree baato ko
Thaam bhee logee chalo maana meree haatho ko
Apanee aankho ke sitaaro se jagaaogee mujhe
Apanee aagosh kee khushabu me basaaogee mujhe
Aur jab tum meree pehchaan see ban jaaogee
Jaan keh keh ke meree jaan see ban jaaogee
Log aa jaayenge phir bich me lekar rasme
Mujhase gumraah karenge tumhe karke bas me
Yeh bhee ho sakata hai duniya se tum takara jaao
Yeh bhee ho sakata hai ruswaayee se ghabra jaao
Aur mumkin hai ke najaro se gira do mujhako
Tum hamesha ke liye dard bana do mujhko
Bas yahee soch ke khaamosh mai reh jaata hu