Bigul Baj Raha Aajadee Kaa Lyrics - Talaaq(Manna Dey).

Bigul baj raha aajadee kaa, gagan gunjata naaro se
Mila rahee hai aaj hind kee mittee najar sitaaro se

Ek baat kahaanee hai lekin, aaj desh ke pyaaro se
Janata se netao se, faujo kee khadee kataaro se

Kahanee hai ik baat hame iss desh ke paharodaaro se
Sambhal ke rahana apane ghar me chhipe huye gaddaaro se

Jhank rahe hain apane dushman apanee hee divaaro se
Sambhal ke rahana apane ghar me, chhipe huye gaddaaro se

Ai bhaarat maata ke beto -2, suno samay kee bolee ko
Phailaatee jo phut yaha par, dur karo uss tolee ko

Kabhee na jalane dena phir se, bhed bhaav kee holee ko
Jo gandhee ko chir gayee thee, yaad karo uss golee ko
Saaree bastee jal jaatee hai, mutthee bhar angaaro se
Sambhal ke rahana apane ghar me, chhipe huye gaddaaro se

Jaago tumako baapu kee jaagir kee raksha karanee hai
Jaago laakho logon kee takdir kee raksha karanee hai
Abhee abhee jo banee hai uss tasvir kee raksha karanee hai
Hoshiyaar, hoshiyaar
Hoshiyaar tumako apane, kashmir kee raksha karanee hai
Aatee hai aawaaj yahee, mandir masajid gurudwaaro se
Sambhal ke rahana apane ghar me, chhipe huye gaddaaro se