Ek Sher Tha Ek Sherni Lyrics - Raju Chacha(Shankar Mahadevan and Shweta Pandit).

Ek samay ki baat suno ye baat hai badi purani
Maine tumhare raju chacha se suni thi ye kahani

Ek sher tha ek sherni unke the teen bachche
Tum jaise vo shaitan the lekin
Lekin lekin kya papa
Lagte the sabko achhe
Chhoti si ik gufa ke andar chhota sa ik ghar tha
Unke jivan me na koi dukh na koi dar tha
Maa ke ladle the vo baap ko jaan se bhi pyare
Hanste gate mauj udate mil ke rahte the sare
La la la

Kya hua papa bolo na
Honi ne jaal bichaya vaha ek shikari aaya
Vo sherni samne aai usne banduk chalayi
Vo sherni ghayal ho gai chillai tadpi so gayi
Usne phir aankh na kholi seene me lagi thi goli
Lekin vo marte marte ye kah gayi chalte chalte
Mere sathi mere sajna in bachho ko pyar se rakhna
Tum baap ho bhul na jana maa ka bhi farz nibhana
He bap bhala kya jane maa kya hoti hai
Bachho ke sang kaise hansati kaise roti hai
Usane bhi yun hansana rona seekh liya
Bachcho ke sang jagna sona seekh liya
Samay ruka phir dhire dhire chalne laga
Man ka ghav dhire dhire bharne laga
Baap ki ungli tham ke bachche chalne lage
Maa ke badle baap ki god me palne lage
Sal mahine mausam aane jane lage
Sher ke bachche phir se hansne gane lage

Baki kahani kal chalo bachho abhi so jao
Oh nahi papa nahi papa please
Abhi sunao na papa please abhi abhi
Achha baba to suno

O rahul o rohit o rani suno aage ab ye kahani
Pada unpe phir gam ka saya vaha ek babbar sher aaya
Vo gurraya chinghada aise ke kha jayega sabko jaise
Vo bachhe to bas dar ke bhage magar aa gaya baap aage
Shuru ho gaya ek dangal laga kapne sara jungle
Darakto pe ja baithe bandar chhupe saap bhi bil ke andar
Kahi ud gaye sab kabutar chadhe bhalu parbat ke upar
Lage bhagne dar ke hathi na tha sher ka koi sathi
Hui khub jam ke ladai babbar ne bahut maar khayi

To bachcho ne tali bajai