Hak Mangate Hain Apne Pasine Kaa Lyrics - Baap Bete(Mohammad Rafi).

Hak mangate hain apne pasine kaa, adhikar hame bhi hai jine kaa

Tum lakh amiro aish karo, ham dekh tumhen kab jalate hain
Saye me tumhare mehlo ke lekin kitne gam palte hain
Dekho toh najara aake kabhi gam khane aansu pine kaa
Hak mangate hain apne.......

Mehanat pe hamari hi tumane yeh shishamahal hai khada kiya
Tum jinko chhota kehte ho inn chhoto ne tumko bada kiya
Kyon sal ke pichhe chubhata hai phir bonas ek mahine kaa
Hak mangate hain apne.......

Tum khud bhi jiyo aur jine do hai mang yahi majduro ki
Insaf karo insaf karo aah naa lo majduro ki
Shola naa kahi banakar bhadake abb tak jo dhuwa hai sine kaa
Hak mangate hain apne.......