Jo Raah Chunee Tune Lyrics - Tapasya(Kishore Kumar).

Jo raah chunee tune, usee raah pe raahee chalate jaana re
Ho kitanee bhee lambee raat, diya ban jalate jaana re
Kabhee ped kaa saaya, ped ke kaam na aaya
Seva me sabhee kee usane janam bitaaya
Koyee kitne bhee phal tode, use toh hai phalte jaana re
Usee raah pe rahee chalte jaana re.....

Jivan ke safar me aise bhee mod hain aate
Jaha chal dete hain apane bhee tod ke naate
Kahee dhiraj chhut na jaaye, too dekh sambhalate jaana re
Usee raah pe rahee chalte jaana re.....

Tere pyaar kee maala kahee jo tut bhee jaaye
Janmo kaa saathee kabhee jo chhut bhee jaaye
De dekar jhuthee aas too khud ko chhalate jaana re
Usee raah pe rahee chalte jaana re.....

Teree apanee kahaanee yeh darpan bol raha hai
Bhigee aankh kaa paanee, hakikat khol raha hai
Jis rang me dhale wakt, musaafir dhalate jaana re
Usee raah pe rahee chalte jaana re.....