Main Ek Baalak Besahaara Lyrics - Madan Mohan - Tere Bagair(Lata Mangeshkar).

Main ek baalak besahaara, besahaara
Main ek baalak besahaara, ek akela bhatakata sitaara
Usaka koyi nahi duniya mein, jisaki maa nahi hai, maa nahi hai
Main ek baalak besahaara, besahaara

Dhoop sulaati deke lori ghumon ne mujhako paala
Na main kisike dil ki thandak na aankhon ka ujaala
Thukaraake chal deta har koyi aane jaanewaala
Maa kehke bas reh jaata hai dil mera bechaara
Main ek baalak besahaara, besahaara

Khele bhi toh mere aansu hi mere sang khele
Kya kya dukh na jhele maine maa ke bina akele
Yahi hai jivan toh maalik yeh jivan waapas le le
Kab tak dar dar thokar khaau main takdir ka maara
Main ek baalak besahaara, besahaara

Main bhi chaahu pyaar kare koyi apane paas bulaake
Mere bhi koyi aansu ponchhe godi mein bithalaake
Kehake laal pukaarein koyi
Do baahein phailaake
Jaraasi mamata jo mil jaaye toh bhul jaau dukh saara
Main ek baalak besahaara, ek akela bhatakata sitaara
Usaka koyi nahi duniya mein, jisaki maa nahi hai, maa nahi hai
Main ek baalak besahaara, ek akela bhatakata sitaara - 3