Swapn Se Saanidhya Mera Lyrics - Chand Ke Saath(Hariharan).

Swapn se saanidhya mera, swapn se abhisaar mera
Swapn hi manjil hai meri
Swapn hi vyaapaar mera
Swapn se saanidhya mera, swapn se abhisaar mera

Main diwa swapnon ka pranayi, swapn mere sakha sehchar
Swapn hi meri dharohar
Swapn hi sansaar mera
Swapn se saanidhya mera, swapn se abhisaar mera

Iss rupehale swapn ko apana banaana chaahata hoon
Swapn ki iss reeti ka main geet gaana chaahata hoon
Swapn jo bhi bha gaye unako dhara par la chuka hoon
Aaj tak anginat sapane
Main swayam apana chuka hoon
Swapn se saanidhya mera, swapn se abhisaar mera

Swapn ko apana banaana swapn ko ati paas laana
Swapn ka abhishek kar uss swapn ko puja banaana
Iss kala mein main nipunata jagat ko dikhala chuka hoon
Iss tarah main kayi sapane
Ji chuka hoon ga chuka hoon
Swapn se saanidhya mera, swapn se abhisaar mera
Swapn hi manjil hai meri -2 swapn hi vyaapaar mera
Swapn se saanidhya mera, swapn se abhisaar mera