Tora Mann Bada Paapi Saawariya Re Lyrics - Ganga Jamuna(Asha Bhosle).

Haan matlab ka tu meet bedardi, garaj ki raakhe preet
Dukhiya mann ko ghaayal karana, samajhe tu apani jeet aa aa aa....

Tora mann bada paapi saawariya re
Milaaye chhalbal se najariya re
Tora mann bada paapi saawariya re

Tu sangdil hai teri jindagi mein pyaar nahi
Tere chaman mein hai sab kuchh magar bahaar nahi
Tujhe kasam hai na yuun muskuraake dekh hamein
Teri najar ka bhi jaalim kuchh aitbaar nahi
Milaaye chhalbal se najariya re
Tora mann bada paapi saawariya re

Sitamgaron ki inaayat se berukhi achchhi
Jo tere saath na gujare woh jindagi achchhi
Garaj ka yaar hai matlab ka tu hai deewaana
Na teri dosti achchhi na dushmani achchhi
Milaaye chhalbal se najariya re
Tora mann bada paapi saawariya re

Jahaan mein woh jise jina woh tujhase dur rahe
Jo marana chaahe woh aakar tere hujur rahe
Yeh kya gajab hai ke hum aah karke ho badnaam
Tu laakh julm kare phir bhi bekusur rahe
Milaaye chhalbal se najariya re
Tora mann bada paapi saawariya re
Tora mann bada paapi -3 saawariya re