Tu Har Ek Musibat Ka Lyrics - Aanchal(Sudhir Phadke).

Tu har ek musibat ka muqabla kar re
Himmat se samna kar re
Bhagwan ke bande
Dukho se na dar

Sukh dukh to data ki den hai
Jo bhi mile tu le le
Har andhiyari raat ke pichhe
Hai kirno ke mele
Aaj agar hai chhaye badal
Kal jayenge bikhar re
Bhagwan ke bande
Dukho se na dar

Nahaq aaj luta mat pagle
Tu ankhiya ke moti
Ek na ek din is duniya me
Sab ki kasauti hoti
Tu kyu chinta karta prani
Prabhu ko sabki fikar re
Bhagwan ke bande
Dukho se na dar
Tu har ek musibat
Ka muqabla kar re
Himmat se samna kar re
Bhagwan ke bande
Dukho se na dar