Yeh Kaise Duneeya Waale Hain Lyrics - Teen Chehere(Mohammad Rafi).

Likhee hai yeh vidhaata ne, kismat garib kee
Maatee ke mol bikatee hai, ajamat garib kee..

Yeh kaise duneeya waale hain, tan ujale hai mann kaale hain
Yeh kaise duneeya waale hain

Jab kisee garib ke aangan me, koyee khilke kalee muskaatee hai
Inn paapee duneeya waalo kee
Aankho me hawas aa jaatee hai
Yeh sukhee rotee ke badle, tan badan kharidane waale hain
Yeh kaise duneeya waale hain

Jab laaj kee chudee tutee hai, sindur kaa rang pighalata hai
Uss wakt garib ke sine me
Ik jwaalaamukhee jal uthata hai
Phir khud hee jubaan ban jaate hain, yeh hoto ke jo taale hain
Yeh kaise duneeya waale hain

Bhagwaan bata kyon dhan waale, nirdhan par aisa julm kare
Kyon ablaavo kee maang me yeh
Sindur ke badle raakh bhare
Yeh aap hee ijjat lutate hain, jo ijjat ke rakhwaale hain
Yeh kaise duneeya waale hain, tan ujale hain mann kaale hain
Yeh kaise duneeya waale hain